الكلام الى جاى شويه نصايح للبنات لما يجيلك عريس و لازم تتصرفى و تتطفشى الماسوف على شبابه ده
يا ستى اعتبريه عمل خير و هيعودلك فى عينك و عافيتك
اعملى زى ما بقولك بالظبط بقى كده
1- ماتبينيش لاهلك انك مش موافقه على شان بس الخطه تكمل للاخر
2- اهم حاجه بقى فى الخطه من اول ما تسمعى ان فى عريس جاى اوعى تستحمى خااالص و لذلك حكمه و متنسيش بقى تساعدى مامتك و تخرطى بصل و توم على اد ما تقدرى
و دوسى اوى فى موضوع البصل و التوم ده
3- طبعا اليوم الموعود بقى و اهل العريس جاين يشوفو الشملوله بتاعتنا انتى طبعا
و اساسى لازم العروسه تبقى نايمه لحد قبل المعاد بساعه على شان وشها يبقى مرتاح و مظبوط كده و اهى فرصه بينى و بينك تتادرى بيها على العمايل الى عملناها
( يستحسن تنامى و الباب مقفول عليكى لحسن ريحه التوم و البصل تتسرب ولا حاجه ) خدى بالك
4- اول ما اهل العريس يوصلو بقى تقومى مسلمه عليهم بكل برود و تستاذنى على شان تظبطى الميكب بقى و كده و جينا لاهم مرحله فى الخطه كلهااااااااااااااااا
5- الكحل يا سلام على الكحل بيخلى العنين حلوه مووووووووووت
بصى ياست الحجه بقى عاوزك تتكحلى على اد ما تقتدرى بس تكون عين اكتر من التانيه بكتير
بكده نبقى ضمنا انك هتبقى حوله رسمى
6- بالنسبه لكريم الاساس يا سلام بيبقى عسل بجد
بصى بقى عاوزك تكترى فى الكميه على اد ما تقدرى بصى براحتك على الاخر
و يا ريت تسرحى شويه على الشفايف من الاخر عاوزهم يقولو عليكى ولا الى عندهم فقر دم
7- الاى شادو بقى و ده الى بيعمل جو حلو اوى فى المناسبات
لما بيتعمل صح بيدارى عيوب كتير اوى فى العنين
انا عاوزك بقى تتوصى اوى و تتقلى على اد ما تقدرى كده
و يا سلام لو معاه لون اصفر على الخدود كده
يبقى ضمنا مع فقر الدم كوليرا كمان
8- و جينا للبس بقى لازم طبعا تبقى شيك موووووووووووووت
الجيب تبقى خضرا يا ريت ( لون الخير ) طبعا
و البادى يا ريت احمر ( لون الحب ) حمريهالو
و البسى فوقيهم شال كده او حاجه عندك و متتوصيش بقى يعنى مشهقولك اقدم ولا اعفن حاجه
ابقى اشتريه قبلها بيومين من بتاع الروبابيكيا
9- ادخلى على المطبخ بقى فى الخباثه و اعملى القهوه و ساااااااااااااااااااده
و ادخلى بكل ثقه عليهم
و خدى بالك الثقه مطلووووووبه موووووووووووووووووووووت
10- قدمى القهوه للعريس و اقعدى قدامو بقى و ركزى فى عينه كده
حاولى تعملى الخطوه دى بسرعه قبل ما يتنفض و يقوم يجرى
عاوزك تلاعبيلو حواجبك و يا ريت حاجب اه و حاجب لا
و مفيش مانع لو مع الحواجب شويه حول كده
11- نيجى بقى لنقطه مهمه جدا جدا و لما تقومى تقعدى بين العريس و مامته
طبعا هيا بتشوفك و كده و بتشوف شعرك الحرير
على فكره لو شعرك ناعم متخافيش عادى بس عاوزك بقى اول ما تقعدى تبداى مرحله الهرش
لاو مش تهرشى و بس تحدفى عليهم كمان و ممكن مع الهرش شويه هطس ( فى وشهم ) طبعا
و لو صحتك مساعداكى مش هنمانع لو مكانش معاكى منديل و البرد عمل عمايلو بقى
اول ماتخلصى الحاجات دى استريحى فى الكرسى بتاعك بقى
و بصى حواليكى
هتلاقيهم كلهم طلعو يجرووووووووووووو
و بكده انا عملت الى عليا وحاولت على اد ما اقدر امنع الكارثه قبل ما تحصل
و غير مسئول عن اى عواااقب على فكره بقى
هههههههههههههه و ربنا معاكو الصراحه