ابو لمعه وحكايته مع الثعبان مش ممكن ههههههههههههههههههههههه

عضو نشيط المساهمات : 152 تاريخ التسجيل : 25/09/2007

[size=24] زي مانتوا عارفين ابو لمعه انه دائما بيحب يفشر كتير

ودي حكايه من حكاياته الغريبه والعجيبه

ابو لمعه : شوف يا خواجه ، وانا في آخر رحله ليا في الاسكيمو ، كنت لابس الجلابيه الدبلان المخططه بتاعه اخويا شلبي ، ومقيل تحت شجره جيلاتي !
بيني وبينك انا نمت وانا فاتح بقي علشان اول ما حته جيلاتي تستوي ، تقع في بقي علي طول ،
بس لجل البخت الاسود ، تعبان شاف بقي مفتوح افتكره جحر راح داخل فيه.

الخواجه بيجو : دا اكيد تعبان صغير بقي اللي عرف يدخل في بقك ده ؟

ابو لمعه : صغير مين يا خواجه ده طوله 700 متر ! Laughing

الخواجه بيجو : يا سلام ، دخل التعبان اللي طوله 700 متر في بقك وانت نايم من غير ما تحس ولا تصحي ؟

ابو لمعه : لأ ما انا صحيت في نصه كده ، لقيت ده داخل في بطني قعدت اشد فيه وهو يتزفلط اشد فيه وهو يتزفلط ، لحد ما دخل كله جوه بطني !

الخواجه بيجو : يا خبر ابيض ، وعرفت تطلعه

؟

ابو لمعه : ابدا وحياتك ، عملت البدع علشان اطلعه ما فيش فايده آخر ما غلبت رحت قالع ونازل له !

الخواجه بيجو : نازل له فين ؟ Mad

ابو لمعه : في بطني ! وهو شافني نازل راح واخد ديله في سنانه وطالع يجري وانا وراه ،
يدخل يمين ادخل وراه ، يدخل شمال ادخل وراه ، لحد ما وصل بيت الكلاوي ، راح داخل البيت وقفل الباب علي نفسه ! drunken

الخواجه بيجو : طبعا ما عرفتش تدخل وراه ورحت مروح

ابو لمعه : لأ ، اروح ازاي ، انت عارف تحت بيت الكلاوي فاتح واحد حلاق ،
قلت اخش اخد دقني واستني التعبان لما يخرج ، نص ساعه كده ولقيته مطله راسه من الباب ، بص يمين بص شمال ما شافنيش راح متسحب خارج ، Laughing

رحت خاطف الموس من ايد الحلاق وهاجم علي التعبان ، شوف يا خواجه ، هي ضربه واحده بالموس قسمته نصين !

الخواجه بيجو : بضربه واحده قسمت التعبان ال 700 متر ؟

ابو لمعه : بالطول وحياتك Laughing

.......

[/size]

الصح ان ابو لمعه كان كسر الباب

وزنقه ف بيت الكلاوي

ههههههههههههههههه

عضو فضى المساهمات : 218 تاريخ التسجيل : 20/09/2007

هو فى اييييييه يا جدعاااااان؟
هو نزل فيين بالظبط و بيت كلاوى ميين اللى تحتيه واحد حلاق
انا تهت منكم
معلش من الاول تانى

عضو فضى المساهمات : 396 تاريخ التسجيل : 24/09/2007

هههههههههههههههههه
حلو اوى اوى اوى
تلاته اوى

فعلا حلوه أوى أوى أوى أوى أوى

خمسه أوى

عايز اعرف بالضبط نوع التعبان علشان واحد صاحبي كان داخل في بطنة تعبان 1000متر
هههههههههههههههههههههه
اتنين ابو لمعة مش كدة

» علاقة الثعبان بالصيدلة
» احم احم ......ممكن ادخل ؟!!!!