_شوف يابرعى يابنى انا فى يوم عديت على الاستاذ نبيه فى الجمرك وانا
شايل كرتونه قد الداهيه ورايا على الموتسيكل الراجل هجم عليا وفتح الكرتونه
لقاها مليانه قش, ابن اللذين نزل فيها تفتيش ونكش لحد ماطلع الفديو من قعرها,
وصمم يدفعنى جمرك وغرامه كمان, قلت عليا النعمه لا مطلع عين اللى جابوه,
تانى يوم عديت عليه بنفس النظام, قعد ينكش الصندوق لما طلعت عينه وفى الاخر
لقى فى قعره ساعه يد صينى تسوى لحلوح واحد مالوش تانى دفعت له الجمرك
والغرامه عالجزمه ومشيت وتالت يوم نفس النظام واسبوع على كده لحد الراجل
مازهق وبطل يفتشنى وكل ماعدى عليه يقول ليه مرحب يابو العربى عدى يا
راجل البيت بيتك وما يفتشنيش!لحد مايوم راح كابس على وفرتك الصندوق طلع
ابن اللئيمه كان بينيمنى عشان ماخدش خوانه وأحط البضاعه اللى ناوى اهربها
بس على مين هى الساعه الصينى ياباشا مفيش غيرها! قعدنا على الحال ده
شهرين وبعدين فى يوم لقيت الاستاذ نبيه بيخبط عليه فى البيت وبعد ماخد الواجب
بتاعه قال لى: بص يابو العربى انا خلاص سلمت ومش قادر حاموت وأعرف
انت بتهرب إيه إن شالله أعدم عينى وعافيتى لو فتشتك تانى حتى لو مهرب جمل
بس وحياه العربى تقول لى انت بتهرب إيه!
_وقلت له؟
_طبعا دا حلفنى بالعربى.
_هه؟... وطلعت بتهرب إيه؟
