عجبى عليك يابن ادم ياكبير الدار
قومت الدنيا ومقعدت لما قالو حمار
هو إسمى شتيمه ولاجنسى ده عار
خلقنى ربى وخلقك ولاحدش له خيار
وانا مهما ذاد الحمل فوقى صابر على المشوار
لا فى يوم اقول اشمعنى اخويا واخد منه تار
ولا يوم أبص لرزق غيرى وأطق منه وأغار
ولا أرفع فى يوم عينى على جارتى وأصون الجار
ولامهر أدفع لحمارتىوشبكه وسوار
ولا شقه أجمع فى تمنها ولا أجهز دار
ولاحرمى حامل تتوحم عايزه الكافيار
ولا بنت تخرج عن طوعى وتجيب العار
ولاابن يدمن ويهلوس ويقع ينهار
عايش فى حالى متهنى وليه أفكار
بأكل وباشرب وأنهق ومافيش اسرار
وعندى إبن أدم يخدمنى ليل ويانهار
إن جعت يشترى برسيمى بأغلى الاسعار
وفى مرضى يفضل يعالجنى ويدعى الستار
خادم أمين من غير راتب ولا حتى إيجار
والحين عرفت يابنى أدم مين فينا حمار؟؟؟